قال الرئيس عبد الفتاح السيسي، إن مصر خسرت خلال الـ 11 شهر الأخيرة 7 مليارات دولار بسبب التورات في البحر الأحمر وتأثر قناة السويس.

وأضاف،  خلال تفقد الأكاديمية العسكرية المصرية: "تخيلوا احنا بنفقد 7 مليارات دولار وبالرغم من كده صندوق النقد الدولي يقول إن مسار الإصلاح الاقتصادي في مصر ماشي كويس.. ده بسبب آثار الحرب".

ولفت إلى أن الزيادة السكانية تمثل تحدي كبير، متابعا: "أيام محمد علي كانت الظروف الاقتصادية أفضل لأن كان عندنا 5 مليون فدان وكانت الدولة 4 مليون نسمة، فكان لكل إنسان فدان أرض زراعية، فطلباته كلها متقضية من داخل مصر وكانت كل بيوت أهلنا في الريف مشروعات صغيرة منتجة، يعني كل واحد عنده رأس ماشية".

وواصل: "في الريف كان عندنا مليون أو اتنين او تلاتة ملايين فكانوا كلهم منتجين، فأنت مش محتاج دولار تشتري بيه من برة لأن كل حاجة في مصر وكل ما احتياجنا للدولار بيزيد بيكون تأثيره كبير على الاقتصاد".