الرئيس تضاعف إنتاج الطاقة الكهربائية في 2014 رغم الأزمات

قال الرئيس عبد الفتاح السيسي، إنّ مصر كان لديها في أعوام 2012 و2013 و2014 أزمة على مستوى محطات إنتاج الكهرباء.

وأضاف رئيس الجمهورية، خلال تفقده الأكاديمية العسكرية المصرية، وأذاعت فعاليات اللقاء قناة إكسترا نيوز: “للتعامل مع مشكلة الكهرباء، كان يجب التعامل مع 3 أشياء، محطات الإنتاج، ولم يكن لدينا المحطات الكافية لإنتاجها، ثانيا، شبكة لنقل هذا الإنتاج، ثالثا، محطات التحكم التي تنظم أداء هذه الشبكة وهذا الأمر لم ينطبق على الكهرباء فقط، لكن كل قطاعات الدولة، وبالفعل تضاعف إنتاج الطاقة الكهربائية”.

كما قال الرئيس عبد الفتاح السيسي، إن الزيادة السكانية لها تأثير كبير على الأوضاع الخاصة بالدولة المصرية، متابعا: "فى عام 2011 كان عدد السكان 80 مليون ودلوقتي نحو 107 ملايين يعني في زيادة 27 مليون.. يعني قدرتنا ومواردتنا زادت علشان تواجه هذه الزيادة.. الناس متصورة أن الدولة ممكن تعيش حياة كويسة دون عمل وجلد فى العمل.. الدول ممكن تبقى كده لو عندنا موارد كتيرة.. لكن الموارد القليلة تحتاج إلى الشغل والشغل والشغل ويقلل الإنفاق".

وأضاف الرئيس السيسي،: "هتقولي يا فندم أنت عملت العلمين وعملت 24 مدينة والعاصمة الجديدة والحي الحكومي وعملت كل ده.. ايوه.. هل الكلام ده ممكن يعوض ويخلي الناس تعيش بشكل أفضل لو مش عملتوا.. لا.. ليه لأن حجم البطالة فى مصر 6.9 %.. ده معناه أنه فيه ناس بتلاقي موارد تقدر تعيش بيها.. تعيش بيها كويس أو مش كويس.. ده موضوع ممكن نتكلم فيه.. فيه 150 – 200 جنيه يوميا يقدر يشتغل.. لحد ما نتجاوز ويكون فيه مشاريع بالمشاركة مع القطاع الخاص لنقل صناعات داخل مصر توفر موارد دولارية وتحقق تكلفة الحياة بشكل أفضل ودي الخطوة نتحرك فيها حاليا".