قال الفنان اللبناني جاد شويري، إن مشاهد القبلات تعبر عن حب ونشوفها في كل السينمات والمصرية أولها وأيضا العربية والأجنبية، قائلا: "ده مش هيبوظ فكر وجدان الأطفال زي ما بيشوف كل يوم في قطاع غزة أولاد تذبح".
وأضاف جاد شويري، خلال حوار ببرنامج "حبر سري"، مع الإعلامية أسما إبراهيم، المذاع على قناة القاهرة والناس، أن أولادهم الصغار في العائلة يمنعهم من الكلام في الحرب ومشاهدة القتل والدمار، متابعا: "العيال نمنعهم عن الحرب في لبنان وده المرض الحقيقي وأنا شايف القبلة تعبير حب وبعيد عن العنف والقذارة اللي بنشوفها يوميا".
وتابع: "أنا ضد الطفل يكون موجود على السوشيال ميديا قبل فترة وسن معينة وممكن الأم تحجب حاجات معينة وممكن الأم تحجب العنف قبل البوسة والطفل هيفزع من مشهد إنسان يذبح إنسان وده اللي نحاربه مش فن وأفلام".
وأفاد بعدم ندمه على العمل مع أي شخص خلال مسيرته الفنية، قائلا: "لم أندم على أي حد اشتغلت معاه والناس اللي اختفوا في شغلي أنا كنت مخرج وفي اسماء استعراضيات اختفوا ودلوقتي ببص للحاجات اللي بعملها بطريقة تانية".
وأوضح أن ما قدمه قبل ذلك الان حدث اشياء متطورة عنه في السوشيال ميديا والتيك توك، مضيفا: "لو اتعرض عليا كليب من اللي كنت بقدمها زمان مش هعملها الان ولم أقدم كليبات مبتذلة واللي مضياق مكنش يشوفها وبعمل اللي في مزاجي".
واستكمل: "برامج المسابقات لاكتشاف المواهب تسلية ولكن لا تقلل من الفن وأنا اتشهرت منها وهي تسلية حاجة كويسة وليه دائما نفتكر أن التسلية حاجة وحشة ولكن أنا ضد شهرة الأطفال من هذه البرامج وده هيؤثر عليهم نفسيا".
0 تعليق