أكد الرئيس عبد الفتاح السيسي أن وعي الشعب المصري وإرادته هما السبب الرئيسي في الحفاظ على أمن واستقرار البلاد، مشيدًا بدور المصريين في التصدي للتحديات التي تواجه الوطن منذ عام 2011 وحتى اليوم.

وخلال لقائه مع مجموعة من الإعلاميين، تطرق الرئيس السيسي إلى أبرز التحديات التي تواجه مصر في الوقت الراهن، قائلًا: “من أهم التحديات اللي بتواجهنا في مصر هو التهجير القسري للفلسطينيين، ودي قضية بنرفضها تمامًا.

الخطر التاني بيتمثل في الإرهاب والخلايا النائمة اللي ممكن تنشط، ورغم كل ده بفضل الله ثم اصطفاف المصريين مع بلدهم إحنا قادرين نحمي أمن مصر.”

وأضاف: “من غير وعي الشعب المصري وتماسكه، كانت التحديات دي هتبقى أكبر بكتير، إحنا عندنا جيش قوي، وشرطة مدنية بتقوم بدورها، لكن العامل الأساسي في حماية بلدنا هو إرادة المصريين اللي بتحمي مؤسسات الدولة وتدعمها.”

وأشار الرئيس إلى أن ردود أفعال المصريين تجاه التطورات الإقليمية والأوضاع الداخلية تعكس وعيًا كبيرًا وحرصًا على مصلحة الوطن.

وقال: “التعليقات اللي بنشوفها على مواقع التواصل الاجتماعي والكلام اللي بيتقال من الناس بيطمني جدًا إن المصريين منتبهين وفاهمين التحديات اللي بنمر بيها، الشعب المصري بفضل الله هو الحصن الأول لمصر.”

واختتم الرئيس كلمته برسالة طمأنة إلى الشعب المصري: “أنا دايمًا بقول متقلقوش، طول ما إحنا إيدنا نظيفة، لا دم ولا مال حد، ربنا بيحفظ البلد، والمصريين طول الوقت بيأكدوا إنهم مستحملين عشان بلدهم.”