أعربت الفنانة وفاء عامر، عن حزنها العميق لرحيل لاعب كرة القدم إبراهيم شيكا، مؤكدة أنها كانت تفضل عدم الحديث عن الأمر احترامًا لحرمة الموت، لكنها شعرت أن من واجبها الإنساني تسليط الضوء على التجاهل والمعاناة التي عاشها اللاعب في أيامه الأخيرة.

وقالت "وفاء عامر" خلال مداخلة هاتفية مع الإعلامية بسمة وهبة في برنامج "90 دقيقة" المذاع على فضائية "المحور"، مساء الخميس، "ربنا يحسن خاتمتنا جميعًا، الحمد لله هو مات على الشهادة... كان زي الفل، ربنا يرحمه."

لم يكن بحاجة للمال فقط... بل للحب أيضًا

وأكدت وفاء عامر أن معاناة شيكا لم تكن فقط بسبب ظروفه المادية، بل الأهم كان افتقاده للدعم المعنوي، مضيفة "المرض اللعين ده بيحتاج فلوس، لكن الدعم النفسي قبل أي حاجة... وده اللي ما لقيهوش للأسف."

وأوضحت أن أسرة شيكا كانت بسيطة، وزوجته كانت تمر بظروف صعبة، مثل كثير من الأسر المصرية، دون مقدرة على مواجهة الأعباء الثقيلة للمرض.

"بلوكات في عز المرض"

وأشارت إلى أن عددًا من أصدقاء شيكا من لاعبي الكرة المعروفين قاموا بحظره على مواقع التواصل الاجتماعي، متابعة "زمايله عملوا له بلوكات... عشان ما يشوفوش صوره؟ ده اللي شفته بعيني."

وأكملت: "مش بظلم حد، يمكن كانوا مش قادرين يواجهوا فكرة مرضه... بس التصرف ده كان قاسي جدًا"، متسائلة "فين كانوا لما كان بيصارع المرض؟ لما كان محتاج حضن أو كلمة طيبة؟ اللي حصل بعد الوفاة جميل، بس جه متأخر."

وا "أنا مش مصدقة إن حد يعمل بلوك لحد صاحبه وهو بيموت... جيل بحاله ممكن يبوظ من الحتة دي. كلنا محتاجين بعض، ومينفعش نفتكر الناس بعد ما يمشوا."