حققت حلقة نجم كرة القدم العالمي عمر مرموش نجاحا كبيرا بين الجمهور المصري والعربي، وتصدرت الحلقة تريند جوجل ومواقع التواصل الاجتماعي المختلفة خلال الساعات الماضية.
وزاد البحث بين الجمهور المصري والعربي عن أبرز تصريحات عمر مرموش، خصوصا تلك المتعلقة بحياته الخاصة وشغفه وحبه لكرة القدم وعلاقته بمحمد صلاح وأسرته.
أبرز تصريحات عمر مرموش في برنامج صاحبة السعادة
وجاء في أبرز تصريحات مرموش في حلقة صاحبة السعادة:
-أكد عمر مرموش، نجم منتخب مصر ونادي آينتراخت فرانكفورت، أنه لا يخشى الجماهير داخل الاستاد
- "أنا مش بتخض من الاستاد واتعودت عليه.. وبقالى هنا 7 سنوات".
- استاد النادى يشهد إقامة حفلات وده الفرق بينه وبين الاستاد العادى.. واحنا كفرقة نستخدم الكاميرات من فوق علشان نصور الملعب كويس ونذاكر الفريق بشكل احسن.
-أشاد عمر مرموش، بفريقه، قائلا: "الفرقة مميزة وكأننا عيلة واحدة، ومعانا لاعب سورى صديقى لأن طقوسه شبهنا شوية".
-عن تنافسه على لقب هداف الدورى الألمانى مع هارى كين، قال: "المنافسة خلتنى مش شايف مين اللى قدامى، وباصص فى اللى بعمله وبتمرن كويس علشان أحرز أهداف كتير".
-أنا وهارى كين على نفس المستوى، وهدفنا واحد وبنسابق بعض فى الحصول على الهداف وبشتغل على نفسى علشان أكون هداف، وإن شاء الله هحقق حلمى".
-تحدث مرموش، عن انتقاله إلى نادي آينتراخت فرانكفورت، قائلا: "أنا بلعب فى النادى من سنة ونص.. والسنة دي ماشيين بشكل كويس والفرقة بتلعب بطريقة مختلفة.. وده ساعدنى إنى أظهر بالمنظر ده.. وحققت أرقاما كويسة السنة اللى فاتت، والسنادى أفضل".
-منتخب مصر بالنسبة ليا حاجة كبيرة، وكلنا هدف واحد وهو تمثيل مصر بشكل مشرف ونحطها فى مكانة عالية.
-العب باسم بلدى ومش عاوز حد يكسبنا ويضحك علينا كمان،بمثل 120 مليون مصرى وشايل اسم مصر على ظهرى وده بيفرق معايا، وكلنا عندنا نفس الروح والهدف أننا نكسب بلدنا.
-خلال بطولة أفريقيا الماضية أول ما وصلت البلد اللى هنلعب فيها كانت درجة حرارتى كبيرة.. وقلت للدكتور هلعب يعنى هلعب حتى ولو درجة حرارتى 80 درجة.. وحصلت على أدوية، وأنا بمثل بلدى ولما هنزل الملعب هعمل كل حاجة".
-أنا فى 3 مباريات ورا بعض جبت 3 فاولات أهداف، ودى كانت حاجة من إنجازاتى وكنت بتمرن عليها من زمان".
-ضربات الجزاء لما يضيعها اللاعب المدرب ممكن يغيرك، ولما باجى ألعب كورنر وأجيب جون بحس إنى كويس فى الحاجات دى، وبحاول أحسن من نفسى علشان أوصل لحاجة كبيرة.
-بندرس إيه الزاوية الصعبة لحارس المرمى لأن التفاصيل الصغيرة بتفرق معانا، وتأسيس الأطفال فى اللعب شىء مهم، وبعدها بتيجى الموهبة بتاعته اللى هتخليه ينجح.
-لما بدخل الملعب بتحول، بكون بره لذيذ وطيب وفى الملعب بتغير، ومحبش أخسر وعاوز كل اللى حوليا مركزين ومصحصحين، وبحاول أكون إيجابي ومفيد مع الفرقة".
-بلعب بلاي ستيشن بنفسى فى النادى اللى بلعب فيه، وبقول لنفسى فى اللعبة إيه ده متشوت عدل، وبكلم نفسى أنت كويس هتجيب جون ومش مشكلة فى الفرصة اللى ضاعت هتيجى فرصة تانى.
-اللاعب بيكون مضغوط من أهله واصحابه وكل الناس، والكورة يوم فوق ويوم تحت، وبحط لنفسى مستوى معين أثبت عليه، وبفكر بنفسى أنا مين وعملت إيه ووصلت لدا كله إزاى؟، وديما بحط لنفسى مستوى معين علشان أقدم ماتش كويس".
- محمد صلاح لاعب كبير و دا بيأكد أن مصر بها مواهب ولاعبين كبار، وعلاقتى بـ"مو" كويسة واحنا أصحاب وباخد من خبراته، وماشى بشكل كويس، وفرحان إن فى منتخب واحد زى صلاح فى منتخب بلدى وصل لمكانة كبيرة وفى نفس الوقت عاوز أعمل مكانة لنفسى.
-محمد صلاح أحسن لاعب جه فى أوروبا وله تاريخ كبير، وأنا عاوز أعمل قصة لوحدى وبتعلم منه وديما بيساعدنى وإزاى أطور من نفسى وشرف لى أتعامل وأتعلم من صلاح.
-صلاح ساعدنى لما جيت المنتخب، وقالى اللى هيفرق معاك لو اشتغلت "مينتال"، وهى أن اللاعب بيمر بضغوطات كثيرة وعليه أن يتعامل مع هذه الضغوطات بطريقه تفيده، وميتكبرش ويكون شايف نفسه لانه هيفرق معاه فى الملعب علشان يكون شخص مكتمل، وعدم السماح لأى شيء يشتته، وبنصح كل لاعب بان ينظر لهذا الأمر وميتأثر بحد".
-بحاول أبسط الناس بأقل حاجة لما يتصوروا معايا، والصورة بتفرق معاهم والكلمة الحلوة بردو بتفرق.
-قدمت مبادرة (باصيها لغيرك) لمساعدة المصريين لتوفير أحذية رياضية للشباب فى النوادى لينزلوا بها الملعب زى كل الناس التانية ويوصلوا لحلمهم، وجمعت 12 ألف حذاء جديد ووزعتها على المصريين".
-مبلعبش أى ماتش بجزمة جديدة، وأول لبس لأى جزمة بتمرن بيها 4 أيام، ومش ديما بيغر الجزمة".
-عن حياته فى ألمانيا قال مرموش "عايش لوحدى وبحب غزل البنات، وأمى بتدعيلى بكل حاجة حلوة، بتقولى (خلى بالك على نفسك وكل واشرب كويس)".
-أمى مش متابعة الكورة كويس، ومبتتفرجش على ماتشاتى لأنها بتكون قلقانة عليا، وبتقعد جمبى وانا بحضر الشنطة وبتقولى أحطلك حلاوة؟، واللى أنا فيه ده بسببها لأنها كانت بتوصلنى التمرين وتودينى المدرسة، ولما الناس عرفتنى قالتلى إيه اللى بيحصل ده انت عمر بتاعى.. ويا رب دايما أشرفها هى ووالدى وفضلهما كبير عليا.
- أخويا مثلى الأعلى، وكنت بقلده، وكان بيفرجنى دايما على فيديوهات كورة، وكان مهتم بالكورة وكان حريف، وسريع وقوى".
-وفى الكورة كنت بحب رونالدينيو، وكان لاعب كبير ومثلى الأعلى".
-ملابسى ملهاش علاقة بموديل معين، وبحب المزيكا وباسمع كل الأنواع وبشغل الأغانى فى النادى منها أغنية (آه يا قلبى) للمطرب حكيم وبشغل أغانى شعبى، وبيرقصوا عليها فى النادى، وبديهم تقاليد مصرية وأغانى
-بحب السينما لكن مش بروحلها كتير وبلعب رياضة تانية.
0 تعليق