"يا جوبير عطني كوباية ماي بكلاس"!
"منين انت جاي يالمعاق، اشوف هذا ثالث كلاس ماء تشربه"؟
"لا تلومني يا حجي من الصبح وانا ادوج بالصناعية مع ابوالرجال، عشان نشوف لنا كراج لسيارته، اللي يقول عنها ان ماكينتها طقت!
أقول له ابي ماء، يقول وش لك بماء الصحة، انت تغسل چلاويك، وأحسن لك تشرب ماء حنفية! وللأسف ما شفت لا الصحة ولا الحنفية"!
الشاب: "وان شاء الله عقب هالفرفره اتفقتوا مع أحد، وخليتوا السيارة عنده"؟
المعاق: "لا سبت ولا أحد، لان السيارة ما هي معنا الحبيب تاركها بالبيت"!
الشاب: "بالبيت، وشتسوى بالبيت ليه ما شلتوها على سطحه وأخذتوها"؟
الرجل: "وليش الخساير يا حجي، خمس دنانير رايح وخمسه جاي والحسابة تحسب؟ السالفة ما تحتاج وجود السيارة، حنا نسأل عن التجفيت، ان عجبني السعر أجيبها لهم"؟
الشاب: "يمكن الخراب بسيط مثل الجنزير، او هوز مقطوع، او كرنك، او راس الماكينة مشعور، او حاجة ما تحتاج التجفيت"؟
الخبير: "الميكانيكي يابوالرجال زي الدكتور، اللي بيشوف المريض عشان يشخص المرض مش أكثر"!
الرجل: "رجاء محمد يا اخوان، اللي عنده مشاركة كلمة طيبة يقولها، لان وقتي ما يسمح لي بالفرفرة على المحلات بسطحة"!
الشايب: "امحق من خوه، ولي طلب عندكم لا تسولفون سالفتكم هذي لاحد، لان والله راح تكونون مسخرة الديوانية، وراح تغزر عليكم لمدة شهر!
وسالفتكم هذي مالها شبيه الا تبديد وزيرة المالية لتجمع حقوق المتقاعدين بعد اجتماعها معاهم، الناس تشتكي من نشفان المادة، وغلاء الأسعار، ودخول مدارس، وشهر الخير على الأبواب! وهي تنصحهم بالصبر لان مالهم حل غيره، وتذكرهم أنهم من أولويات الحكومة!
بس خلونا يا معشر اصحاب الدخل المحدود بالأول نخلص من خطة خالتي ام صلاح، المتمحورة بزيادة الايرادات، عقب ما نحصل: من وين؟ مستحقات الدولة لديكم!مع حمد قلم تعديل رسوم بعض الخدمات، أنتم ناسين ان أنتم نور عينينا ايها الشعب الطيب، وخطى سيارتك السوء يابو الرجال"!
المتمولس: "ما كل من حط يده على كتفك يواسيك، يمكن غسل يده ويمسح فيك"!
وفي هذه الاثناء رفع على مسامعنا الشيخ زغلول اذان الظهر.
كاتب كويتي
0 تعليق